Menor-de-edad nakuhaan sang masobra P100K nga balor sang illegal drugs sa Pavia
ILOILO — Nakuhaan sang P136,000 nga balor sang suspected shabu ang menor de edad nga babaye sa drug buy bust operation sa Barangay Ungka II, Pavia sang Marso 20 sang gab-i.
Suno kay Police Major Dadje Delima, hepe sang Pavia Municipal Police Station, una nga nagpakilala ang babaye nga yara na siya sa legal nga pang-edaron kag residente sang Barangay Pakiad, Oton pero sa padayon nga pagpangusisa sang police nahibaluan nga 16-anyos pa lang siya.
Pagkatapos sang operasyon, ginpasugat sa iya ginikanan ang menor agud dal-on sa Pavia MSWDO kag didto nahibaluan nga taga-Pavia siya.
Ginpahayag man sang subject nga sa Pakiad, Oton nagahalin ang ilegal nga druga nga iya ginabaligya kag nagaserbe nga runner suno kay Delima.
Sa panaysayon sang ginikanan, ginpabutyag ni Delima nga masami nga nagalayas ang ila bata.
Na-recover sa subject ang pulo ka sachets sang suspected shabu nga ginabanta nagabug-at sang 20 grams. — via Aksyon Maria Kayla Tingzon