Kalusugan

Pagsaka sang kaso sang pertussis (whooping cough) sa Western Visayas ginakabig sang DOH 6 nga serious public concern

Nagakahangawa ang Regional Epidemiology Surveillance Unit (RESU) sang Department of Health 6 ang pagsaka sang kaso sang pertussis ukon whooping cough.

Suno sa DOH 6, makabig na nga serious public health concern ang amo nga balatian tungod sa na-record nga 100 percent increase sini sa una pa lang nga semana sang subong nga bulan.  

Ginpaathag ni DOH 6 director, Dr. Adriano Suba-an, nga ginabanta sa 18 ka kaso ang na-monitor sa rehiyon halin Marso 3 tubtob Marso 9 ukon 100 percent nga mas mataas kun ikumparar sa kapareho nga period sang nagligad nga tuig nga may zero cases.  

Ang pertussis ukon whooping cough suno sa iya ang tuman ka makalalaton nga respiratory disease ilabe na sa mga lapsag.

Ginapanugyan sang DOH sa publiko nga maghimo sang preventive measures agud maproteksyunan ang mga lapsag nga indi pa pwede mabakunahan batok sa amo nga balatian. 

Ginapangabay man ang mga ginikanan nga i-check ang vaccination status sang ila kabataan kag mangin up-to-date sa ila routine immunization schedule. — via Inquirer

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply