Masobra 500 ka pulis sa Iloilo province gin-promote
ILOILO – Ginpabugal sang Iloilo Police Provincial Office (IPPO) ang pag-promote sa 507 ka mga police sa probinsiya sang Iloilo.
Epektibo sang Marso 15, nagsaka ang ranko sang nasambit nga mga police.
Base sa data sang IPPO, isa ang nahimo nga Police Lieutenant Colonel, 21 ang Police Captains, 18 ang Police Lieutenants, 18 ang Police Executive Master Sergeants, 46 ang Police Chief Master Sergeants, 97 ang Police Senior Master Sergeants, 137 ang Police Master Sergeants, 124 ang Police Staff Sergeants, kag 45 ang Police Corporals.
Ginhiwat ang dululongan nga pagpanumpa, pinning, kag donning of ranks sa mga police nga ginpangunahan ni Police Regional Office (PRO) 6 Director, PBGEN Jack Wanky sa PRO 6 headquarters subong nga adlaw.
“Your dedication, hard work, and commitment to serving and protecting our community have not gone unnoticed. As you take on your new ranks, always uphold the values of integrity, discipline, professionalism and compassion. Strive to make a positive impact on the lives of others and make a difference in our community,” suno kay IPPO Director, PCOL Ronaldo Palomo.
