IPPO preparado na sa paghatag sang seguridad sa Huwebes, Biyernes Santo
Syen porsyento na nga preparado ang Iloilo Police Provincial Office (IPPO) sa paghatag sang seguridad sa publiko sa probinsya ilabe na sa Huwebes kag Biyernes Santo.
Suno kay IPPO spokesperson, Police Major Rolando Araño, may yara sang police deployment sa mga simbahan, pilgrimage areas, transport terminals, sea ports, airport kag beach tungod sa ginapaabot nga pagdagsa sang mga deboto kag bakasyonista.
May ipahamtang man nga mga police assistance desks sa nasambit nga mga lugar.
Magluwas sini, ma-deploy man ang IPPO sang Motoronda cops ilabe na sa mga lugar nga mabudlay sudlon sang four-wheeled vehicles.
Dugang ni Araño nga magabulig man sa paghatag sang seguridad ang mga force multipliers sa kada banwa.
