Siyudad sang Iloilo ginpaidalum sa state of calamity tungod sang Pertussis (whooping cough) outbreak
Gin-aprubahan sang Iloilo City Council ang pagdeklarar sang State of Calamity sa siyudad tungod sa whooping cough ukon pertussis outbreak.
Aprubado man ang budget nga P16.9 million para sa pagbakal sang dugang nga bakuna kag bulong batok pertussis.
Gin-ako ni Dr. Roland Jay Fortuna sa special session sang city council nga naga-amat-amat na nubo ang numero nila sang available nga vaccines rason nga may pagkinahanglan mag-procure sang dugang nga mga bakuna.
Sa breakdown sang City Disaster Risk Reduction and Management Council, P14 million ang makadto sa pagbakal sang dugang nga bulong.
P2 million ang makadto sa pagbakal sang swab kits/testing kits; P500K ang i-allocate para sa masks kag disinfectants; P300K para sa training sang mga medical officers sa siyudad; kag P108K ang makadto sa Information, Education, and Communication Materials.
Sa subong, 16 ka kaso ang na-record sang CHO sa diin pito diri ang positibo kag siyam ang suspected cases.
Ang whooping cough makalalaton nga respiratory illness tuga sang bacteria nga Bordetella pertussis.
Lakip sa mga sintomas ang sip-on, hilanat, kag mild ukon pagbarukoy sang ubo.
