HeadlineLokal

Bangkay sang lalaki nasapwan sa sapa sa Passi City

ILOILO– Nasapwan ang bangkay sang lalaki nga nagalutaw sa sapa sa Barangay Agtambo, Passi City las-10:40 kahapon sang aga, Marso 31.

Suno kay Police Lieutenant Leo Angelo Castro, PIO sang Passi City Police Station, nakita lang sang mga residente nga nagalutaw na ang bangkay ni alyas Nonoy, 37-anyos sang Brgy. Aglalana, Passi City.

Antes nasapwan ang biktima, may nakakita pa sa iya nga nagalangoy kag nagapangisda sa sapa sang Marso 29 sang hapon, suno sa police.

Indi na pag-ipa-autopsy sang pamilya ang bangkay sang lalaki tungod posible nga hubog ang ila himata sang natabu ang insidente tungod masami siya nga naga-inum-inum, suno sa police.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply