PSTMO head Jeck Conlu interesado nga magpapili sa pagka-konsehal sa Iloilo City sa 2025 elections
Personal nga nagkadto sa opisina ni City Mayor Jerry Treñas si PSTMO head Jeck Conlu agud magpresentar sang interes magpadalagan sa pagka-konsehal sa 2025 midterm elections.
Ini ang ginpabutyag ni Treñas sa regular press conference subong nga aga.
Sa subong, pito na ka mga personalidad ang prospects sang line-up nanday Chu-Treñas-Ganzon sa pagka-konsehal.
Nauna na ginkumpirmar sang alkalde nga kalabanan sang incumbent councilors ang maupod sa ila kag apat ang bakante nga puwesto nga pagapilian pa nga ilakip sa ila lineup.
Sa press conference ni Treñas sang Marso 15, ang ginpangalanan nga pagapilian sa pagka-konsehal amo kanday Mandrei Malabor, Lyndon Acap, Bryant Zulueta, Jose Maria “Nene” dela Llana, kag Sheen Mabilog.
Nagdugang man sang nagligad nga semana si Executive Assistant Carlos “Jojo” Javellana. — via Aksyon Justice Savannah Pamplona
