Klase sa Passi City halin pre-school tubtob senior high school sa public kag private schools, half-day na lang sugod Abril 2 tubtob Abril 30 tungod sa tuman ka init nga tiyempo
ILOILO — Gindeklarar ni Passi City Mayor Stephen Palmares ang paghimo half day sa face-to-face classes halin pre-school tubtob senior high school sa public kag private schools umpisa Abril 2 tubtob Abril 30 tungod sa gina-eskperyensyahan nga tuman ka init.
Ang half day nga set up sang klase masugod ang klase las-7 tubtob las-11:30 sa aga.
Sa statement sang alkalde, ginhatagan sang direktiba ang mga school heads kag administrators sa pagpahibalu sa mga estudyante, ginikanan kag maestra may kaangtanan sa order agud masiguro nga mapatuman ang nagaka-igu nga arrangements sa tiun nga mag-improve ang tiempo kag makabalik na sa regular ang klase.
