“Gyera” batok sa mga magahod nga tambutso kag illegally-parked vehicles gindeklarar ni Iloilo City Mayor Jerry Treñas
Gindeklarar ni Iloilo City Mayor Jerry Treñas ang “gyera” batok sa mga magahod nga tambutso kag illegally-parked vehicles sa siyudad.
Sa statement sang alkalde, nagpanawagan siya sa kapulisan nga padayunon ang pag-conduct sang checkpoints agud mapasiguro nga madakup ang mga driver sang motorsiklo kag iban pa nga salakyan nga may magahod nga tambutso.
Gin-athag sang alkalde nga may mga ordinansa ang siyudad batok sa modified mufflers nga mahimo gub-on ang mga confiscated modified mufflers. Kasubong man nga ginsulit niya nga indi puwede himuon parkingan ang national roads.
Ginmanduan sang alkalde ang Traffic Management Unit, kapulisan, kag mga barangay tanod nga siguraduhon nga hawanan ang dalan sang mga illegally-parked vehicles. — via Aksyon Justice Savannah Pamplona
