Mga kasapatan sa probinsya sang Iloilo apektado man sang tuman ka init nga tiempo

Apektado man sang tuman ka init nga tiempo ang mga kasapatan kapareho sang karabaw, baka, kag kanding nga masami makit-an sa mga kaumahan sa probinsiya sang Iloilo. 

Base ini sa assessment kag monitoring sang Provincial Veterinary Office, suno kay Provincial Veterinarian, Dr. Darel Tabuada.

Ginalakipan ini suno sa iya sang pagpalangluya, heat exhaustion kag pagkahapo sa mga kasapatan nga pareho lang ang epekto sa tawo.

Nagpanugyan si Dr.  Tabuada sa mga tag-iya sang kasapatan nga ibutang sa mahandong nga lugar ang ila mga hinuptanan halin las-9 ukon las-10 sa aga.        

Dugang ni Dr. Tabuada nga kapareho lang sa tawo ang maximum heat tolerance sang mga sapat//  Kun maglapaw na sa 39 degrees ukon mas mataas sa 40 degree celcius ang temperatura, mahimo na magbatyag ang sapat ilabe na kun malipatan ukon mabayaan sa initan. — via Aksyon Marvin Malificiar