20-anyos nga lalaki patay sang nakuryente sa Anilao
ILOILO— Patay ang 20-anyos nga lalaki sang nakuryente sa Poblacion, Anilao kahapon, Abril 3.
Suno kay Police Captain Jesse Letaña sang Anilao Municipal Police Station, nagpanglaba ang biktima sa CR sang gina-istaran niya nga balay sang nagkuha siya sang extension wire nga may bombilya tungod madulom na.
Sa imbestigasyon sang police, posible may open wire gani nakuryente ang lalaki.
Nakita na lang sang upod niya sa balay nga nagahigda na ang lalaki sa salog kag may paso sa wala nga kamot, suno sa police.
