Ilocos Norte 1st District Rep. Sandro Marcos ginapaabot nga magatambong sa regional oathtaking sang Partido Federal ng Pilipinas sa Iloilo City

Ginpaabot nga magtambong sa regional oathtaking sang Partido Federal ng Pilipinas si Ilocos Norte 1st District Representative Ferdinand Alexander “Sandro” Marcos.  

Base sa impormasyon sang Aksyon Radyo Iloilo, makaupod ni Congressman Marcos sa pagpadulong sa Iloilo City sa Abril 10 sanday PFP President South Cotabato Governor Reynaldo Tamayo, Jr kag Special Assistant to the President Secretary Antonio Lagdameo, Jr. 

Una na ginkumpirmar ni Iloilo Governor Arthur Defensor, Jr. kag PFP Regional Chairman nga para sa mga mayors kag iban pa nga elected officials halin sa siyudad kag probinsya sang Iloilo lakip na ang halin sa Negros Occidental, ang oathtaking. 

Lakip sa magasumpa suno sa gobernador si Executive Assistant Raisa Treñas-Chu, nga nagpahayag nga mapadalagan bilang congresswoman sa syudad sang Iloilo. — via Aksyon Cedrick Anona