Indian restaurant nasunog sa Arevalo
ILOILO—Naglab-ut sa P234,000 ang balor sang kahalitan sang nasunog ang Indian restaurant sa C1 Road, Barangay San Jose, Arevalo kahapon sang kaagahon, Abril 3.
Suno kay Fire Officer 2 John Paquito Verano, imbestigador sang Iloilo City Fire Station, base sa fire pattern, nagsugod ang kalayo sa tunga sang restaurant kag naglaton lang sa iban pa nga portion.
Las-11 sang gab-i nagsirado ang kalan-an kag wala sang may nagatiner gani wala sang may nasamaran nga personnel. Pero natyempuhan nga naka-park sa kilid sang kalan-an ang multicab sang tag-iya gani nalab-ut sang kalayo.
Ginahulat sang Iloilo City Fire Station ang ipasa nga report sang tag-iya sang kalan-an kun pila ang balor sang kahalitan sang sunog sa mga gamit sa sulod.
Gina-imbestigaran subong ang ginhalinan sang sunog. — via Aksyon Farrah Mae Morano