41-anyos nga police officer gin-report nga naglaslas sa Antique

Pilas sa nagkalain-lain nga parte sang lawas ang naagum sang 41-anyos nga police officer nga naka-assign sa Antique Police Provincial Office sang gin-report nga naglaslas sa iya apartment sa San Jose, Antique mga las-9 sang Mierkules sang gab-i.

Suno kay Police Lieutenant Colonel Willy Diel, public information officer sang Antique Provincial Police Office, may ginasuprer nga depression suno sa iya ang police gna nagarangko sang police lieutenant tungod sa posible gina-eksperyensyahan nga problema sa pamilya.

Ginpahayag ni Diel nga nakabaton sang report ang San Jose Police halin sa isa sa mga nagatenir sa apartment nga may lalaki nga pilason gani gilayon nila nga ginkadtuan kag gindala ang police sa ospital.

Nakaagum sang pilas sa paa, butkon, agtang kag lagub sa nagkalain-lain nga parte sang iya lawas ang police.

Confined sa ospital ang pulis kag yara na sa estable nga kondisyon.