Groomer sang Animal clinic sa Passi City patay sang gintiro
ILOILO — Dead-on-arrival sa ospital ang groomer sang Camacho Veterinary Clinic sa Poblacion ilaya, Passi City sang gintiro sang wala pa makilala nga suspetsado las-7 kaina sang aga.
Ginkilala ni Police Master Sergeant Roderick Larida, imbestigador sang Passi City Police Station, ang napatay kay Keith Karl Demayo, 27-anyos, residente sang Ajuy.
Sa initial nga pagpangusisa sang kapulisan, manugbukas pa lang sang clinic ang biktima sang gintiro sang suspetsado.
Nakaagum sang pilas sa likod nga naglapus sa wala nga parte sang dughan ang biktima.
Ginpahayag ni Police Master Sergeant Larida nga anum pa lang ka bulan nga nagatrabaho si Demayo sa clinic.
Padayon pa nga gina-imbestigaran ang motibo sa insidente kag identity sang suspetsado.