2 ka grassfire incidents nagluntad sa La Paz; Magkal lakip sa nasunog

ILOILO— Nagapadayon ang imbestigasyon sang Iloilo City Fire Station sa duha ka nagluntad nga grassfire sa Brgy. Nabitasan, La Paz kahapon, Abril 9.

Suno kay Fire Officer 2 John Paquito Verano, imbestigador sang Iloilo City Fire Station, una nga nagluntad ang sunog sa Zone 4 mga las-3:02 sa hapon sa diin naglab-ut sa 500 square meters sang kahilamunan ang nasunog.

May nasunog man nga magkal sa lugar.

Sa initial nga pagpangusisa, posible may naghaboy sang upos sang sigarilyo sa lugar tungod wala sila sang may nakita nga dabok.

Las-4:31 naman sa hapon, liwat nga nasunog ang bakante nga lote sa Prime Estate Subdivision sa diin naglab-ut sa 200 square meters ang nahalitan.

Wala sang pamalay nga nasunog kag wala man sang may napilasan sa insidente. — via Aksyon Farrah Mae Morano