2 ka sakay sang motorsiklo nga ginpahayag nagpalagyo sa traffic enforcer nga nag-flag down sa ila pilason sang nakabunggo sa taxi sa City Proper
ILOILO CITY — Nakabunggo sa taxi sa corner Valeria-Ledesma Street, City Proper ang motorsiklo nga ginpahayag nagpalagyo sa traffic enforcer nga nag-flag down sa ila.
Suno kay Police Executive Master Sergeant Dennis Yee, traffic investigator sang Iloilo City Police Office, antes ang insidente gin-flag down sang traffic enforcer ang motorsiklo tungod nag-left turn sa indi husto nga likuan sa atubang sang Atrium mall. Wala pa gid sang helmet ang angkas.
Wala nagdulog ang motorsiklo kag nagdiretso sa General Luna gani ginlagas sang traffic enforcer sakay sa iya motorsiklo tubtob nag-abtanay sila sa stoplight sa corner Mabini-General Luna.
Ginpabutyag sang police nga wala gihapon nagpundo kag nagpalapit sa traffic enforcer ang naga-angkasanay kag nagpadayon sa pagmaneho ang driver pa-Mabini, nagliko sa Ledesma, tubtob nakalab-ut sa corner Valeria kag na-aksidente.
Ginpahayag ni Kauswagan Punong Barangay Woody Delariarte nga sang matabok na ang taxi padulong sa Marymart mall, gulpi lang nagbunggo ang motorsiklo sa kilid.
Nagtabog ang driver kag ang angkas tungod sa impact, suno sa iya
Nadunot man ang kuring nga ginadala sang nagamotor. — via Aksyon Farrah Mae Morano
