Commercial establishment, coffee stall nasunog sa Jordan, Guimaras

GUIMARAS— Nasunog ang commercial establishment kag coffee stall sa San Miguel, Jordan las-8:58 kahapon sang aga, Abril 9.

Suno kay Fire Officer 2 Krustopher Ryan Aldea, fire arson investigator sang Jordan Fire Station, una nga nasunog ang commercial establishment nga human sa light materials kag naglaton lang sa stall sa kilid.

Nakaagum sang 1st degree burn ang tag-iya sang establishment tungod pagbukas niya sang kwarto, nagakalayo na sa sulod.

Madasig nga naglaton ang kalayo sa iban pa nga parte sang establishment tungod madamo sang baligya kag papeles.

Sa initial nga data sang Jordan Fire Station, P11,550 ang balor sang kahalitan sa istraktura kag wala pa na-isip ang mga baligya sa sulod ang establishment nga nasunog. — via Aksyon Farrah Mae Morano