P1.3 million nga balor sang suspected shabu na-recover sa buy bust operation sa Estancia
ILOILO — Na-recover sang kapulisan ang 200 grams sang suspected shabu nga nagabalor sang P1.3 million sa drug buy bust operation sa Brgy. Lumbia, Estancia kahapon, Abril 10.
Suno kay Police Major Ahlie Estember, chief sang Iloilo Provincial Drug Enforcement Unit, gindakup si alyas Jackie, 43-anyos nga residente sang Brgy. Bayuyan kag ginakabig nga high-value individual drug personality.
Base sa impormasyon sang pulis, sa Iloilo City nagakuha sang supply sang illegal drugs ang subject kag ginabaligya sa Estancia kag kaiping nga mga banwa.
Tungod sang daku nga supply sang illegal drugs posible may upod pa ang subject sa pagbaligya. — via Aksyon Farrah Mae Morano