Sara, Iloilo labing una nga banwa sa probinsya sang Iloilo nga nagdeklarar sang state of calamity tungod sa epekto sang el niño
Ginpaidalum sa state of calamity ang Sara, Iloilo tungod sa kahalitan sang el niño phenomenon sa agrikultura kag kakulang sang supply sang tubig sa banwa.
Ginhimo ang deklarasyon makaligad gin-aprubahan sang Sangguniang Bayan ang rekomendasyon sang Municipal Disaster Risk Reduction and Management Council ukon MDRRMC sa ginhiwat nga special session kaina sang aga.
Sa report sang Office of the Municipal Agriculture, 1,024 ka ektariya sang humayan, kag 1,715 ka ektariya sang maisan ang apektado sang malawig nga drought.
Indi naman bastante ang resources sang local government agud masolusyunan ang sitwasyon kag makahatag sang bulig sa mga apektado nga mangunguma.
Mahimo na nga magamit sang LGU ang calamity fund para makapahagan-hagan sa kahalitan sang el niño sa banwa.
Ang Sara, Iloilo ang labing una nga banwa sa probinsya nga nagdeklarar sang state of calamity tungod sa El Niño phenomenon. — via Aksyon Cedrick Anona