Miss Iloilo City Alexie Brooks nalakip sa Top 3 sang Best in National Costume sang Miss Universe Philippines 2024
Nalakip sa Top 3 sang Best in National Costume para sa Miss Universe Philippines 2024 ang pambato sang Iloilo City nga si Alexie Mae Brooks.
GInhiwat ang event sa Sultan Kudarat Gymnasium and Cultural Center kahapon, Abril 28 sa diin ginpasundayag sang 53 ka mga kandidata ang ila interpretation sang subong nga tuig nga tema nga Philippine Flora and Fauna.
Magluwas kay Brooks, nagdaug man sang Best in NatCos sanday Janet Hammond halin sa Southern California, kag Tamara Ocier sang Tacloban. Nakabaton sang tag-P100,000 nga cash prize ang mga nagdaug.
Suksok ni Brooks ang national costume nga ginhimo ni Tata Blas-Pinuela nga inspired sa “Ugto-Ugto”, ang Ilonggo term para sa orb-weaver spider.
Ginpanginbulahan naman ni Iloilo City Mayor Jerry Treñas si Brooks kag iya nga team sa nakuha nga kadalag-an.
