28 ka mga estudyante nga nagpasakop sa opening parade sang sang Panaad Festival sa San Dionisio, Iloilo, nagkalalipong tungod sang tuman ka init nga tiempo

ILOILO — Nagkalalipong ang 28 ka mga estudyante nga nagpasakop sa mass dance sa opening parade sang Panaad Festival sang San Dionisio, las-9 kaina sang aga tungod sa tuman ka init sang tiempo.

Suno sa report sang San Dionisio Municipal Disaster Risk Reduction and Management Office (MDRRMO), 20 ang gin-refer sa Sara District Hospital kag walo ang nagapabilin sa San Dionisio Rural Health Unit.

Naghalin sa tatlo ka mga eskuwelahan ang mga estudyante.

Padayon nga gina-monitor sang San Dionisio MDRRMC ang mga estudyante.

Una na nga nagpaguwa sang Executive Order No. 029 si San Dionisio Mayor Darwin Bajada nga naga-suspender sang klase halin May 2 tubtob May 3 tungod sa na-record nga mataas nga heat index sa Iloilo. — via Aksyon Cedrick Anona