2 ka ginapatihan NPA members napatay sa engkwentro sa Leon
ILOILO — Gindala na sa patag ang duha ka ginapatihan NPA members nga napatay sa encounter batok sa Philippine Army sa boundary sang Bucari kag Cawilijan, Leon kaina sang aga.
Ginkilala ang mga napatay kanday Nahum Camariosa ukon alyas Rodel/Bebong, 60-anyos nga tumandok sang Manampunay, Leon kag Squad Leader sang nabungkag na nga Southern Panay Front, kag alyas Junjun/Cedrick/Nenz, 20-anyos nga miyembro sang Regional Sentro De-Gravidad kag tumandok sang Bad-as, San Joaquin.
Si Camariosa ang isa sa mga top wanted leaders sang NPA sa Western Visayas tungod sang madamo mga criminal cases lakip ang multiple murder, frustrated murder, robbery in band with frustrated homicide and damage to property, kag robbery with serious physical injuries.
Dugang sang Army, involved man si Camariosa sa encounter nga nagluntad sa San Joaquin sang Pebrero nga nagresulta sa kamatayon sang iya nga bata kag tatlo ka upod, kag sa sunod-sunod nga encounter sa Miagao sang Marso. — via Farrah Mae Morano