Iloilo Provincial gov’t mapatuman sang “One Entrance, One Exit” policy sa mga nagasulod sa Kapitolyo
ILOILO CITY — Posible nga mapatuman ang Iloilo Provincial Government sang “One entrance, one exit” policy sang may ginkawat nga bag kag cellphone sa sulod sang Legal Office kahapon sang aga.
Ini ang ginpahayag ni Aaron Raymundo, head sang safety and security sang Capitol.
Suno pa kay Raymundo, mahimo nga ipatuman ang polisa agud nga mabantayan sang hugot ang mga nagasulod sa kapitolyo kag pagasiraduhon na lang ang mga pwertahan sa iban nga areas.
Magluwas sina, ang tanan nga mga manugbaligya nga nagasulod sa kapitolyo ang kinahanglan nga magsuksok sang ID.
Nagpanugyan naman si Raymundo sa mga empleyado sang kapitolyo nga mangin maaligmat sa palibot kag indi pagpabay-an nga may mga importante nga gamit nga ginabilin sa opisina.
Las 7:30 kahapon sang aga may nagsulod sa opisina sang legal office kag ginkuha ang bag kag cellphone sang empleyado.
Natabo ang pagpangawat samtang nagahiwat sang Monday flag raising ceremony ang mga empleyado. — via Aksyon Cedrick Anona
