Masobra P1 million nga balor sang suspected shabu na-recover sa Leganes

ILOILO —Na-recover ang P1,020,000 nga balor sang suspected shabu sa buy bust sa Barangay Cagamutan Sur, Leganes, Mayo 9 sang gab-i.

Suno kay Police Captain John Robles, hepe sang Leganes Municipal Police Station, anay katapo sang Philippine Army ang subject nga si Robert, 37-anyos kag taga-Cansilayan, Dumangas, pero gin-dismiss sang 2018 tungod nag-positibo sa gin-conduct nga random drug test.

Ginpahayag ni Robles nga nagapanag-iya sang balay ilimnan sa Leganes ang subject kag didto na-monitor nga naga-engage siya sa illegal drugs.

Dugang sang hepe, gintu-ad man sang subject nga sa Dumangas nagahalin ang iya supply sang ilegal drugs.

Nagaserbe man ang tanod sa ila barangay ang subject kag tatlo na ka bulan nga wala naga-duty suno sa police.

Nakuha sa subject 15 sachets sang suspected shabu nga ginabanta nagabug-at sang 150 grams. —via Maria Kayla Tingzon