Bata ginpapreso sang iya iloy tungod makapila ka beses nga nagpanggamo kun nakainom
ILOILO CITY — Sa City Proper Police Station nagsaulog sang Mother’s Day ang bata nga ginpapreso sang iya iloy tungod masami nga nagapanggamo kun nakainom sang makahulubog nga ilimnon kahapon, Mayo 12.
Suno kay alyas Rose, ang ginpapreso sang iya iloy, ginpasibangdan siya sang iya iloy nga ginsugo niya ang iya pakaduha nga magbakal sang makahulubog nga ilimnon pero ginpanginwala niya ini.
Samtang nagakatulog sa iya boarding house sa Concepcion, City Proper, ginkadtuan si Rose sang iya pakaduha kag ginhambalan nga ginapasibangdan siya sang iya iloy nga nagsugo nga mabakal sang makahulubog nga ilimnon.
Wala ini nauyunan ni Rose gani ginsulong niya ang iya iloy sa ila balay sa Sto. Rosario-Duran tubtob nagluntad ang komosyonkag naglab-ot sa punto nga naggan-itanay sila nga duha.
Tungod sini nagasgasan sa hitsura si Rose kag ginpa-aresto sang iya iloy.
May duha ka kabataan si Rose.
Nagpamalibad naman ang iloy ni Rose nga maghatag sang statement.
Sa panaysayon sang iloy, ginpahayag ni PLt. Dexter Sevilla, deputy chief sang ICPS 1, nga ini na ang ikaduha ka beses nga nagpanggamo si Rose tungod nakainom sang makahulubog nga ilimnon. — via Aksyon Paula Elambayo