Call center agent patay sang nakabunggo sa steel railings kag naglapaw sa taytay ang ginamaneho nga motorsiklo sa Leganes

ILOILO— Patay ang 31-anyos nga call center agent sang nakabunggo sa steel railings kag nahulog sa taytay ang ginasakyan nga motorsiklo sa radial road sakop sang Brgy. Calaboa, Leganes las-6 kahapon sang aga, Mayo 15.

Suno kay Lieutenant Jimzel Gumban, deputy chief sang Leganes Municipal Police Station, halin sa Iloilo City ang biktima kag papuli na kun tani sa Pototan sang na-aksidente.

Halin sa 4 lanes nga karsada, nakalab-ut sa 2 lanes nga taytay ang biktima gani nakabunggo sa steel railings kag nahulog, suno sa police.

Posible suno sa police nga natuyo ang driver ukon wala na-antisipar ang dalan gani na-aksidente.

May suksok man nga helmet ang biktima pero tungod sang impact, nakaagum siya sang head injury, suno sa police.

Ginhingagaw pa dala sa ospital ang driver pero gindeklarar nga dead-on-arrival. — via Aksyon Farrah Mae Morano