Psychosocial assessment kag counseling sa mga estudyante sang Siwalo Nat’l High School sa Maasin gin-conduct sang Iloilo Prov’l Health Office tungod sa kamatayon sang Grade 8 student

ILOILO — Ginpangunahan sang Iloilo Provincial Health Office ang psychosocial assessment kag counseling sa 173 ka estudyante sang Siwalo National High School sa Maasin paagi sa Project Tib-ong sang Provincial Government.

Ini tungod sa kaso sang Grade 10 student nga nasapwan patay sang Mayo 10 kag ginatudlo sang iya pamilya nga ginbatyag niya ang manubo nga grade nga ginhatag sang iya manunudlo sa isa ka subject.

Lakip sa mga topiko nga gintalakay sa mga estudyante ang adbokasiya sa adolescent sexual kag reproductive health, pagpanigarilyo, makahulubog nga ilimnon, pagtapna sa illegal nga druga, teenage pregnancy, first aid measure, kag mental health.

Suno kay PHO Head Dr. Maria Socorro Quiñon, luyag nila ipahanumdom sa mga estudyante ang ila importansya sa komunidad. Tungod sini, luyag ni Quiñon nga ma-implementar ang Project Tib-ong agud mabuligan ang mga estudyante nga ma-improve ang ila personality kag mental health.

Kaupod sang provincial government sa pagpatuman sang proyekto ang DepED – Iloilo, Philippine Red Cross, U.S. Agency for International Development (USAID), kag naga-collaborate man sa Provincial Social Welfare and Development Office, kag Municipal SWDO.

Nagsugod ang Project Tib-ong sang Nobyembre 2022 kag madamo na nga kabataan sa probinsiya ang nakabenipisyo. — via Aksyon Cedrick Anona