Dugang nga police station sa Iloilo City ipahamtang sa bag-o nga ICare Center sa Tanza Esperanza, City Proper
ILOILO CITY — Buksan sa masunod nga bulan ang dugang nga police station nga ginpahamtang sa bag-o nga ICARE Center sa Tanza Esperanza, City Proper.
Kabahin ini sang target sang Iloilo City Police Office nga makapatindog sang dugang nga police station sa siyudad sa pagtakop sang subong nga tuig.
Sa pagpangusisa sang Aksyon Radyo Iloilo news team, ginpili ang Tanza Esperanza nga pahamtangan sag Police Station 7 tungod ginkabig nga crime location.
Madasig nga makaresponder ang kapulisan kun malapit ang police station.
May yara sang 132 ka mga police personnel nga gin-turnover ang Police Regional Office 6 sa ICPO sa diin mahalin diri ang tatlo ka mga officials nga mapungko sa Police Station 7 sa Tanza Esperanza.
Ginpahayag naman ni ICPO Spokesperson, Police Major Shella Mae Sangrines nga wala pa sang numero kun pila ka personnel ang i-assign sa bag-o nga police station.
Ang Police Station 1 nahamtang sa General Luna, City Proper; Police Station 2 sa La Paz, Police Station 3 sa Jaro, Police Station 4 sa Molo, Police Station 5 sa Mandurriao kag Police Station 6 sa Arevalo. — via Aksyon Angel Mae Ciudad
