Mag-utod dakup sa drug buy bust operation sa Jaro

ILOILO CITY — Arestado ang mag-utod nga lalaki sa drug buy bust operation sang City Drug Enforcement Unit (CDEU) sa San Isidro, Jaro kagab-i, Mayo 23.

Ginkilala ang mga nagkaladakpan kanday Christopher Gadinggan, 40-anyos kag Chrismil Gadinggan, 45-anyos nga lunsay ginakabig sang police nga high value individual drug personality.

Suno kay Police Lieutenant Colonel Antonio Benitez Jr., head sang CDEU, ginbuligan sila monitor sang concerned citizen tubtob gin-operate sang kapulisan.

Ginpabutyag ni Benitez nga nagasaylo-saylo sang lugar nga baligyaan ang mag-utod.

Na-recover ang 65 grams sang suspected shabu nga may standard drug price nga P442,000

Sa guwa sang Iloilo City nagakuha sang supply sang illegal drugs ang mag-utod. — via Aksyon Farrah Mae Morano