Iloilo Prov’l gov’t may basehan sa pag-request sang 40% nga first town jeepney units nga makasulod sa siyudad sa pagpatuman sang ELPTRP
May basehan ang Iloilo provincial government sa numero sang mga first town jeepneys nga nagasulod sa siyudad sang Iloilo para sa pagpatuman sang enhanced local public transport route plan.
Ini ang ginpabutyag ni Iloilo Provincial Planning and Development Office Head Mr. Mario Nillos base sa gin-conduct nga simulation exercise (SimEx) sa anum ka mga ruta nga ginabug-usan sang first town municipalities sa probinsya.
Sa SimEx sang probinsya halin Pebrero 15 tubtob Marso 30, ginabanta sa 40% ang kinahanglanon nga first town jeepney units kun rush hour. Nalakip man sa pagtuon ang volume sang mga pasahero nga nagahalin sa first towns.
Ang resulta sang SiMex suno sa iya amo ang ginbasehan sa sulat nga ginpadala ni Iloilo Governor Arthur, Jr. kay Iloilo City Mayor Jerry Treñas sang Mayo 8 kag gin-aprubahan sang alkalde sang Mayo 27.
Ginpaathag ni Mr. Nillos nga may ginkuha nga consultant kag statistician ang Iloilo provincial government sa pag-conduct sang simulation survey para sa full implementation sang ELPTRP sang siyudad, subong man sa proposed LPTRP sa probinsya. — via Aksyon Hotline
