Bulkan Kanlaon ginpaidalum sa Alert Level 2 makaligad naglupok

Gin-report sang PHIVOLCS ang paglupok sang Kanlaon Volcano sa Negros las-6:10 kagab-i, Hunyo 3.

Ginbatak sang PHIVOLCS- La Carlota Substation sa Alert Level 2 ang Kanlaon Volcano kag gindumilian ang publiko nga magsulod sa four-kilometer radius ukon permanent danger zone (PDZ).

Sa interview sang Aksyon Radyo Bacolod kay Daryll Arro, Science Research Analyst sang Phivolcs-La Carlota Substation, 5,000 metros ang kataason sang ginbuga nga aso kag abo sang bulkan.

Halin Hunyo 2 suno sa iya, may na-monitor na sila nga katibidad sang bulkan lakip ang pagbuga sang aso, ground deformation kag pagbaga sang baba sang bulkan.

Walo ka mga volcanic earthquakes ang na-record sang Phivolcs kahapon sang aga.

Madumduman nga 2017 pa sang katapusan nga naglupok ang bulkan kag subong lang nasundan ang aktibidad sini.

Tungod sini, gina-abisuhan ang mga residente nga malapit sa bulkan nga mag-aligmat. — via Aksyon Radyo Bacolod