Pagsulod sang mga first town jeepneys sa Iloilo City ginlimitahan sa 3 ka adlaw sa isa ka semana bisan ginpasugtan nga makasulod sa siyudad ang 40% sang mga units kun rush hour
ILOILO — Ginlimitahan sa tatlo ka adlaw sa isa ka semana ang pagsulod sang mga first town jeepneys sa Iloilo City bisan ginpasugtan na ang pagbiyahe sang 40% sa ila mga units kun rush hour.
Suno kay Mr. Billy Demafiles, presidente sang United Leganes Iloilo Jeepney Operators And Drivers Association, disappointed sila sa limitasyon nga ginplastar sang Iloilo City Government may kaangtanan sa implemenstasyon sang Enhanced Local Public Transport Route Plan (ELPRTP).
Dugang pa ni Demafiles, indi makatrespaser sa adlaw-adlaw nila nga mga kinahanglanon kun tatlo ka adlaw lang sila tugutan nga maka-biyahe. Indi naman makapangita sang lain nga ubra ang pila sa iya kaupdanan tungod senior citizens na kag ang pag-drive sang jeep lang ang nahibaluan nga palangabuhian.
Ginpahibalu man nila ang sitwasyon kay Iloilo Governor Arthur Defensor, Jr. pero wala siya sang mahimo tungod yara sa city government ang desisyon pero nag-ayo nga panilagan anay ang implementasyon sang 40% suno kay Demafiles.
Nagpasalig man si Demafiles nga indi sila mag-untat sa pagbiyahe kag panilagan sitwasyon. — via Aksyon Hotline
