Mag-abyan dakop sa drug buy bust operation sa Lambunao
ILOILO— Duha ang nadakpan sa drug buy bust operation sa Brgy. Magbato, Lambunao kahapon, Hunyo 9.
Suno kay Police Major Roy Tayona, hepe sang Lambunao Municipal Police Station, nadakpan si alyas John John, 19-anyos kag alyas Junjun, 24-anyos nga lunsay residente sang Brgy. Damo-ong, Janiuay.
Ginpahayag ni Tayona nga madamo sila sang nabaton nga report nga may nagakatabo nga illegal nga transaksyon sa boundary sang Janiuay kag Lambunao.
Duha ka semana gin-monitor ang duha tubtob nadakpan kag nakuhaan sang 10grams sang suspected shabu nga may standard drug price nga P68,000.
Base sa monitoring sang police sa Iloilo City kag Janiuay ginakuha sang duha ang supply sang illegal drugs kag ginabaligya sa Lambunao. — via Aksyon Farrah Mae Morano
