Lider sang ginbansagan nga “Desamparados Boys” nga nakuhaan sang P2.5 million nga balor sang suspected shabu may yara pa gid sang boss — RPDEU

ILOILO— Natukiban sang kapulisan nga may boss pa gid ang 29-anyos nga subject sang drug buy bust operation kag lider sang ginbansagan nga “Desamparados boys” nga nadakpan las-2:55 kaina sang kaagahon sa Brgy. Tagbak, Jaro.

Suno kay Police Captain Ryan Christ Inot, Team leader sang Regional Police Drug Enforcement Unit (RPDEU), ang subject nga si Jhon Denver Capaniarihan alyas Panit sang Brgy Desamparados, Jaro isa sa mga ginasaligan nga tawo sang iya nga boss sa illegal nga druga.

Ginpabutyag ni Inot nga nagakadto lang sa gina-arkilahan nga balay sang subject ang ila mga runner sa tiun nga mag-engage sa illegal activities. May naga-timbre naman sa ila kun may himuon nga operasyon ang kapulisan gani may ideya sila nga mag-untat anay.

Kaina sang kaagahon, na-recover sang pulis ang 15 ka sachets sang suspected shabu nga nagabug-at sang 380 grams kag may standard drug price nga P2,584,000.

Lakip sa mga nadakpan ang mga masunod:

*Alvie Beso, 35-anyos sang Brgy San Isidro Jaro, Relocation Site (HVI)

*Felipe Capaniarihan, 30-anyos sang Brgy Desamparados, Jaro (HVI)

*Jasper Pullian, 18-anyos sang Brgy Desamparados Jaro (HVI)

*Ricky Dela Rama, 32-anyos sang San Jose Subd., Brgy Tagbac, Jaro (SLI)

*Rey Alcazarin, 20-anyos sang Brgy Desamparados, Jaro (SLI)

*Manuel Corral III, 46-anyos sang Brgy Balabag, Sta Barbara (SLI)

*Trix Bolante, 33-anyos sang Brgy Baldoza, La Paz (SLI)

*Angel Franco, 19-anyos (SLI) — via Aksyon Farrah Mae Morano