Pulis sa Lapuz aksidente nga natiruhan ang iya kaugalingon, DOA sa ospital —La Paz chief
ILOILO CITY —Dead-on-arrival sa ospital ang pulis nga nasapwan sa ila balay sa Mansaya, Lapuz kahapon sang hapon.
Una na ginkumpirmar ni Police Captain Marlon Perez, hepe sang La Paz Police Station, nga may pulis nga aksidente nga natiruhan ang iya kaugalingon sa Lapuz.
Gin-identify ni Captain Perez ang pulis kay Police Corporal Danilo Muñoz, na-assign sa City Intelligence Unit sang Iloilo City Police Office.
Sa pagpangusisa sang La Paz police, mga la-una kaina sang hapon sang may ginpabakal ang pulis sa iya asawa. Gin-upod sang asawa ang ila anak ni Muñoz nga lima ka tuig.
Sang nagbalik ang mag-iloy mga las kuwatro sang hapon, natukiban sang bata ang iya amay nga duguon sa terasa sa second floor sang balay gani nagpanugid siya sa iya iloy.
Gilayon man nga nagpangayo sang bulig ang asawa agud madala sa ospital ang pulis, pero wala natabangan.
Suno kay Captain Perez, may isa ka pilas sa ulo ang pulis. Ang service firearm man sang pulis nga 9mm ang naglupok. —via Maria Kayla Tingzon
