HeadlinePulis

LTO 6 pangitaan sang paagi nga ma-locate ang driver sang sports car nga nag-hit-and-run sa mag-asawa sa Pavia

ILOILO — Pangitaan sang paagi sang Land Transportation Office 6 nga ma-locate ang driver sang sportscar nga si Rudolph Dela Rosa nga nag-hit and run sa mag-asawa sa Brgy. Pandac, Pavia sang Hunyo 1

 Suno kay Atty. Gaudioso Geduspan, officer-in-charge sang LTO 6, lunsay wala sang may nagbaton sang show cause order nga ginpadala sa duha ka address ni Dela Rosa base man sa ginhatag nga impormasyon sang Pavia police.

Gin-athag ni Geduspan nga dapat ma-locate ang driver agud makasabat sa reklamo nga ginapangatubang niya.        

Sa pagpangusisa sang Aksyon Radyo Iloilo, natukiban nga ginbaligya na balay ni Dela Rosa sa Mandurriao kag sa Calinog gani indi na siya makita sa nasambit nga lugar.  

Bisan ang barangay kapitan sang Poblacion Rizal Ilaud, Calinog ang wala na sang ideya kun diin subong naga-estar si Dela Rosa. — via Aksyon Paula Elambayo

jomaque

Aksyon Radyo Iloilo is the No. 1 station in both AM and FM bands in Iloilo based on April 2023 Kantar Media Survey.

Leave a Reply