2 ka balay, 1 ka tiyangge totally-damaged sang nasunog sa Leon; 2 ka balay kag clinic partially-damaged

ILOILO— Duha ka balay kag isa ka tiyangge ang totally damaged sang nasunog sa Poblacion, Leon la-1:28 kahapon sang kaagahon, Hunyo 20.

Partially damaged naman ang duha ka balay kag isa ka two-storey clinic.

Suno kay Fire Officer 3 John Anthony Triveles sang Leon Fire Station, may concerned citizen nga nag-report sa ila nga may nagluntad nga sunog.

Daku na ang kalayo pagresponder sang mga bombero gani nagpangayo sila sang augmentation. Nagresponder man ang tanker sang Leon MDRRMO kag Firetruck sang Alimodian Fire Station.

Las-3:23 na sa kaagahon gindeklarar nga fire out, suno kay Triveles.

Sa subong, gina-imbestigaran sang Leon BFP ang ginhalinan sang sunog nga nag-umpisa sa tiyangge.

P662,000 ang ginbilin nga kahalitan sang sunog. — via Aksyon Farrah Mae Morano