Mga armas kag kagamitan sang ginapatihan miyembro sang NPA na-recover sa San Joaquin
Na-recover sang 61st Infantry “Hunter” Battalion sang Philippine Army ang mga armas kag kagamitan sang ginapatihan myembro sang NPA sa Barangay Sta. Ana, San Joaquin kahapon, Hunyo 22.
Suno sa Philippine Army, natukiban ang mga gamit paagi sa impormasyon nga ginpalab-ut sa ila ni Alyas Michelle/Nitchelle nga anay miyembro sang PUREGOLD, Sangay Yunit Propaganda (SYP) Platoon, Southern Panay Front- Dismantled, Komiteng Rehiyong- Panay, nga nag-surrender sa 61IB sang Pebrero 29, 2024.
Lakip sa mga na-recover ang isa ka M16 rifle; Improvised Explosive Device (IED), (Cap2); apat ka long kag isa ka short magazines for M16 rifle; isa ka IED detonator; 23 rounds sang 5.56mm live ammunition.
Ginpabutyag sang Army nga ang ini nga accomplishment ang isa sa mga palatandaan sang efforts sang gobyerno agud mabatuan ang insurgency sa rehiyon. — via 61st Infantry Battalion
