Partial opening sang Sunset Boulevard ginpangunahan nanday former Sen. Franklin Drilon kag Iloilo Gov. Arthur Defensor, Jr.
Ginbuksan na partial sa publiko ang P2.0712 billion Sunset Boulevard nga proyekto ni anay senador Franklin Drilon paagi sa DPWH 6.
Nagasugod ang masobra 4.9 kilometers nga dalan halin sa Tabucan, Mandurriao tubtob sa Cagbang, Oton kag naga-extend sa bypass road sa Abilay Sur, Oton.
Paagi sa proyekto, mahagan-hagan ang traffic congestion sa Iloilo-Antique Road sa area sang Molo.
Mahimo na maka-jogging, biking, kag exercise ang mga pumuluyo sa nasambit nga dalan apang indi pa ini bukas sa mga salakyan.
Sa December 2024 target mabuksan sa publiko ang Sunset Boulevard. — via Aksyon Justice Savannah Pamplona
