HeadlinePulso Pulitika

Iloilo City Mayor Jerry Treñas ginbuyagyag ang rason sang “political break-up” nila ni Congw. Jam-Jam Baronda

Wala nauyunan ni City Mayor Jerry Treñas nga may kaugalingon nga kandidato si Congresswoman Juliene “Jam-jam” Baronda rason sang ila “political break-up.”

Magluwas diri, rason man ang mga proyekto sang kongresista nga tinuig na ang nakaligad apang wala sa gihapon matapos.

Ini ang ginbuyagyag ni Mayor Treñas sa iya regular press conference.

Suno sa alkalde, nabatian man niya nga nagapreparar sang kaugalingon nga line-up si Congresswoman Baronda sa diin ang manghod nga si anay konsehal Lady Julie Grace “Love-Love” Baronda ang padalaganon niya bilang bise alkalde kontra kay Vice Mayor Jeffrey Ganzon.

Nagapangita man sang padalaganon nga alkalde kanday Congresswoman Baronda suno pa kay Mayor Treñas kag may yara man nga konsehal.

Nagapakita lang ini suno kay Mayor Treñas nga indi na sila magka-alyado sang kongresista. — via Aksyon Justice Savannah Pamplona

jomaque

Aksyon Radyo Iloilo is the No. 1 station in both AM and FM bands in Iloilo based on April 2023 Kantar Media Survey.

Leave a Reply