HeadlineLokal

Mga tikang agud masolusyunan ang nagadamo nga animal bite cases sa probinsya ginplastar sang Iloilo Provincial Veterinary Office

May naplastar na nga mga tikang ang Iloilo provincial government agud masolusyunan ang nagadamo nga animal bite cases sa probinsya.

Ginatutukan subong sang Provincial Veterinary Office ang anti-rabies vaccination sa mga ido kag kuring sa probinsya.

Ginpahayag ni Provincial Veterinarian, Dr. Darel Tabuada nga base sa pagtuon, kinahanglan ang 70% vaccination coverage sa bilog nga probinsya para malab-ut ang herd immunity.

Nag-commit suno sa iya ang PVO nga mahatag sang 70% sang vaccine requirements sang local government unit, i-train ang mga vaccinators sa kun paano i-administer ang bakuna, kag mahatag sang syringes para sa mga vaccinators.

Gin-ayo naman ni Dr. Tabuada sa mga LGUs nga mag-hire sang vaccinators kag ang PVO na lang ang mahatag sang supplies kag logistics.

Sa dog population campaign, ginahaylo ni Dr. Tabuada ang mga LGUs nga pabaskugon ang ordinansa nga naga-limit sa mga ido kag kuring sa mga banwa.

Sige-sige man ang ginahimo nga spaying kag neutering activities sang PVO sa mga ido kag kuring agud makontrol ang pagdamo sang nasambit nga kasapatan ilabe na ang mga layaw.

Ginarekomendar man sang PVO nga magpahamtang sang dog pound ang kada banwa para sa mga layaw nga ido kag ginahaylo ang mga may hinuptanan nga mangin responsable nga pet owners.

jomaque

Aksyon Radyo Iloilo is the No. 1 station in both AM and FM bands in Iloilo based on April 2023 Kantar Media Survey.

Leave a Reply