13 ka balay nasunog sa Ma. Cristina, Jaro
ILOILO CITY — 13 ka mga balay na ang na-record nga nasunog sa Brgy. Maria Cristina, Jaro.
11 ka balay ang totally-damaged kag duha naman ang partially-damaged.
48 naman ka mga pamilya ang apektado sang sunog ukon 188 ka mga indibidwal.
Padayon pa ang pag-validate sang City Social Welfare and Development Office (CSWDO) sa mga nasunugan agud mahibaluan ang final nga listahan.
Una na gin-report nga 10 lang ka mga balay ang nasunog apang nagabag-o ang record tungod sa validation sang CSWDO.
Naglab-ut sa P1.7 million ang ginbilin nga kahalitan sa sunog
Sa impormasyon sang Bureau of Fire Protection-Iloilo City, nag-umpisa ang kalayo sa balay sang mga Lopez sa nasambit nga barangay.
Sa datos sang City Social Welfare and Development Office, 48 ka pamilya ukon 188 ka mga indibidwal ang apektado sang sunog nga temporaryo nagatenir sa covered gym sang Iloilo Baptist Church (IBC).
Nagapadayon pa ang imbestigasyon sang BFP-Iloilo City sa ginhalinan sang kalayo. — via Aksyon Paula Elambayo
