HeadlinePulis

Indian national patay sang gintiro sa Mandurriao

ILOILO CITY — Ginkumpirmar ni Police Captain Val Allan Cambel, hepe sang Police Station 5, nga may duha ka pilas sa likod nga naglapos sa tuo nga kilid malapit sa dughan kag isa ka pilas sa tuo nga palad ang Indian national nga gintiro sa Guzman-Jesena, Mandurriao kagab-i, Hulyo 2.

Suno kay Cambel, las-6:30 sang gab-i sang may nag-inform sa ila sa natabu gani gilayon nagresponder ang mga pulis.

Naabtan nila si Jatinder Singh, 27 anyos, nga nagahuray-ad na sa dalan, sa guwa sang gate sang iya boarding house.

Gilayon nga gindala sa Western Visayas Medical Center ang biktima nga gindeklarar nga dead-on-arrival.

BACKGROUND SANG BIKTIMA

Ginbuyagyag ni Captain Cambel nga halin sang nagpungko siya nga hepe sang Police Station 5, pila ka beses na sila nga nagresponder sa lugar sang biktima tungod ginareklamo siya nga nagamaoy.

Gin-athag ni Cambel nga indi pa gid nila matumod ang motibo kag identity sang suspek ukon mga suspek tungod nagapadayon pa ang imbestigasyon.

“Nag-request kita sa SOCO to process thoroughly sang crime scene. Basi makakuha kita detalye [sa mga suspek],” suno kay Captain Cambel. — via Aksyon Farrah Mae Morano

jomaque

Aksyon Radyo Iloilo is the No. 1 station in both AM and FM bands in Iloilo based on April 2023 Kantar Media Survey.

Leave a Reply