19-anyos nga subject sa drug buy bust operation sa Balasan nag-ako nga nagagamit na sang illegal drugs sang menor-de-edad pa lang

ILOILO — Nagagamit na sang illegal nga druga ang 19-anyos nga subject sa drug bust operation nga nadakpan sa Barangay Pani-an, Balasan sang Hunyo 3, sang siya menor de edad pa palang.

Suno kay Police Captain Renzo Martinez, hepe sang Balasan Municipal Police Station, sa ila pagpangusisa sa amay sang subject nga si alyas Puyang, ginpahayag niya nga na-impluwensiyahan sang barkada ang iya bata rason nga indi na makontrol ang iya pamatasan.

Dugang pa ni Captain Martinez, makapila ka beses na nga na-refer sa MSWDO ang subject sang siya menor de edad pa pero nagaliwat siya gihapon sa pagghimo sang indi maaayo.

May posibilidad man suno kay Captain Martinez nga daku nga drug personality ang nagakapot sa subject kag sa iban pa niya nga mga abyan nga nagkaladakpan sa amo nga operasyon.

Ginpahayag ni Captain Martinez nga ang amo nga daku nga drug personality ang pareho nga tawo sa naga-supply sa subject. — via Maria Kayla Tingzon