HeadlineLokal

Lalaki nasapwan patay sa bodega sang construction site sa Benedicto, Jaro

ILOILO CITY — May pilas sa dughan ang foreman nga nasapwan patay sa sulod sang bodega sa construction site sa Brgy

Benedicto, Jaro subong nga aga.

Ginkilala ang biktima kay Froilan Bernas, 64-anyos nga taga-Sooc, Arevalo.

Suno sa construction worker nga una nakakita sa bangkay, nagkadto siya sa bodega tungod may kuhaon nga construction materials sang nakita ang nagakaya-on kag duguon nga bangkay sang lalaki nga nagahigda sa folding bed.

Nakanganga pa ang biktima kag nagamuklat ang mata sang nasapwan sang construction worker.

Suno naman sa bata sang biktima, sang nagligad pa nga bulan niya ginbisita ang amay kag gindul-ungan pa sang mga vitamins. Wala man sang ginasuprer nga balatian ang iya amay pero gin-ako niya nga naga-ubo.

Sa inisyal nga impormasyon, posible ginkawatan ang lalaki suno sa police. — via Aksyon Paul Elambayo

jomaque

Aksyon Radyo Iloilo is the No. 1 station in both AM and FM bands in Iloilo based on April 2023 Kantar Media Survey.

Leave a Reply