HeadlinePulis

Masobra P1.7 million nga balor sang illegal drugs nga na-recover sa HVI sa Calinog ibaligya pa kuntani sang subject

ILOILO— Ibaligya pa kuntani sang subject ang P1.7 million nga balor sang illegal drugs nga na-recover sang kapulisan sa drug buy bust operation sa Brgy. Carvasana, Calinog las-10 kahapon sang aga, Hulyo 10.

Suno kay Police Major Myles Dieron, hepe sang Calinog Municipal Police Station, may mga upod ang subject nga si Pane Fajardo sang Tabucan, Calinog sa pagbaligya sang illegal drugs kag gina-monitor na subong sang police.

May contact sa presuhan ang subject kag may nagahulog lang sa iya sang illegal drugs sa Calinog, suno pa sa police.

Kaina, na-recover ang 250 grams sang suspected shabu sa subject, improvised tooter, kag caliber 45 nga pusil.

Isa ka tuig nga gin-surveillance sang police ang subject tungod mabudlay dakpon.

Base sa report sang police, involved man sa pagpangawat ang subject upod ang Fajardo group sa Calinog. — via Aksyon Farrah Mae Morano

jomaque

Aksyon Radyo Iloilo is the No. 1 station in both AM and FM bands in Iloilo based on April 2023 Kantar Media Survey.

Leave a Reply