4 ka pasahero sang jeep pilason sang nakabunggo sa pick up sa Leganes

ILOILO — Pilason ang apat ka sakay sang depasahero nga jeep sang nakabunggo sa pick up sa Brgy. Cagamutan Norte, Leganes kagab-i, Hulyo 13.

Sa panaysayon sang driver sang jeep, last trip na niya halin sa Tagbak terminal kag papuli na kuntani sa Dingle kag may sakay nga sobra 15 tanan ka mga pasahero.

Ginpabutyag niya nga nag-U-turn ang pick-up nga wala nag-signal light rason nga nabungguan niya. Nagupi ang unahan nga porsyon sang pick up.

Sa impormasyon, ginpangdala na sa ospital ang apat ka sakay sang jeep nga may minor injuries. May napilasan man nga sakay sang pick-up. — via Aksyon Paula Elambayo