Iloilo Gov. Arthur Defensor, Jr. lakip sa mga top performing governors sa Pilipinas base sa independent, non-commissioned survey
Iloilo — Nalakip si Governor Arthur Defensor, Jr. sa mga Top Governors sang pungsod nga may 90.3% nga rating.
Ini ang base sa resulta sang independent kag non-commission “Boses ng Bayan” survey sang RP-Mission and Development Foundation, Inc. sa una nga quarter sang 2024.
Sa amo nga survey nagapanguna si Cebu Governor Gwen Garcia nga may 93.2%, ginasundan ni Gov. Dax Cua sang Quirino; Batangas Governor Dodo Mandanas nga may 91.9%; kag Zamboanga Sibugay Governor Ann Hofer nga may 91.8%.
Ginbasehan sa amo nga survey ang legal and ethical standards, strategic vision and planning, decision-making and problem-solving abilities, financial stewardship, crisis management strategies, development of public services, economic and social initiatives, community engagement, and innovations in public service.
Suno kay Dr. Paul Martinez, Global Affairs Analyst and Executive Director sang RPMD, ang resulta sang survey amo ang nagatiglawas sang publiko nga nagapakita sang sentiment kag satisfaction sang ila tagsa ka mga residente.
Ginbuyagyag man ni Martinez nga 82 ka mga governors sa pungsod ang gin-assess.
Gin-conduct ang survey sa 10,000 ka mga respondents sa nagkalain-lain nga rehiyon sa pungsod halin March 18-24.
Katuyuan sang survey nga ma-evaluate ang mga Provincial Governors pinaagi sa transparency, accountability, and continuous governance enhancement for the betterment of public service and community development sa bilog nga pungsod.
