2 ka lalaki nga madamo sang kaso sang pagpangawat, nadakpan sa drug buy bust operation sa City Proper
ILOILO— Duha ka lalaki ang nadakpan sa drug buy bust operation sa General Hughes, City Proper kagab-i, Hulyo 15.
Ginkilala ang nga nadakpan kanday alyas Edwin 33-anyos kag alyas Marvin 36-anyos nga lunsay taga-Zone 10, Calaparan, Arevalo.
Suno kay Police Captain Roque Gimeno III, OIC sang City Proper Police Station, madugay na nila nga ginapangita si Marvin tungod ginapatihan nga amo ang lider sa pagpangawat sa syudad.
Pito na ka beses nadakpan si Marvin sa kaso nga pagpangawat, suno sa police.
Magluwas diri, may kaso man siya nga murder sang 2012 kag nakaguwa sa presuhan sang 2016; kag napresu sang 2021 sa kaso may kaangtanan sa illegal drugs.
Samtang si Edwin naman ang may tatlo ka kaso sang theft kag isa ka robbery, suno sa police.
Mabudlay dakpon ang duha suno sa police tungod nagaduha-duha sila sa ika ka-transaksyon, suno sa police.
Na-recover sa duha ang 22 ka sachets sang suspected shabu nga ginabanta nagabug-at sang 67 grams kag may standard drug price nga P455,600.
Ginatudlo sang duha nga sa upod man nila sa pagpangawat nagakuha sang supply sang illegal drugs. — via Aksyon Farrah Mae Morano
